தமிழ் புத்தாண்டு 2027: வருடப் பெயர், தேதி, நேரம், தை அல்லது சித்திரை? (Tamil New Year 2027)

Tamil New Year 2027 name: 2027 தமிழ் வருடம் பெயர் என்ன?

சித்திரை முதல் நாள் காலையில் கோயில் மண்டபத்தில் புதுப் பஞ்சாங்கம் வாசிக்கப்படுகிறது. "இந்த வருடம் இன்ன பெயர், மழை இப்படி, விளைச்சல் இப்படி" என்று அர்ச்சகர் சொல்லக் கேட்க ஊரே கூடும். ஒவ்வொரு தமிழ் ஆண்டுக்கும் ஒரு பெயர் உண்டு என்பதே பலருக்கு அந்த மண்டபத்தில்தான் தெரியவருகிறது. 2027-இன் பெயர் என்ன? 2027 சித்திரை 1 அன்று பிறக்கும் தமிழ் வருடத்தின் பெயர் பிலவங்க. 60 தமிழ் வருடப் பெயர்களில் இது 41-ஆவது. இப்போது நடக்கும் பராபவ வருடம் 40-ஆவது; அது 2026 ஏப்ரல் நடுவில் தொடங்கி 2027 ஏப்ரல் நடுவில் முடிகிறது. அதற்கு அடுத்து 2028-29 கீலக வருடம். ஒன்றைக் கவனியுங்கள்: ஜனவரி 2027-இல் ஆங்கில வருடம் மாறினாலும் தமிழ் வருடம் மாறுவதில்லை. சித்திரை 1 வரை பராபவதான். அதனால் "2027 தமிழ் வருடம் என்ன?" என்று கேட்டால், ஜனவரி முதல் ஏப்ரல் நடு வரை பராபவ; அதன் பிறகு பிலவங்க. திருமண அழைப்பிதழ், பத்திரம், கோயில் அர்ச்சனையில் "பிலவங்க வருடம், சித்திரை மாதம்" என்று எழுதுவார்கள்.

• 2025-26: விசுவாவசு (39)
• 2026-27: பராபவ (40)
• 2027-28: பிலவங்க (41)
• 2028-29: கீலக (42)

தமிழ் வருடம் 60 பெயர்கள் → · இன்றைய தமிழ் தேதி →

Tamil New Year 2027 date: தமிழ் புத்தாண்டு 2027 எப்போது?

தமிழ் புத்தாண்டு சித்திரை 1. சூரியன் மீன ராசியிலிருந்து மேஷ ராசிக்குள் நுழையும் நாள் அது. அதனால் ஏப்ரல் நடுவில், பெரும்பாலும் ஏப்ரல் 14-ஐ ஒட்டி வருகிறது. ஆனால் எல்லா ஆண்டும் அதே தேதி அல்ல. சூரியன் நுழையும் கணம் மாலைக்குப் பின் வந்தால், மறுநாள்தான் சித்திரை 1. அதே போல இந்தியாவில் ஒரு நாள், லண்டன், டொராண்டோவில் வேறு நாள் என்று மாறவும் வாய்ப்பு உண்டு. 2027-இல் எந்த நாள், எந்தக் கிழமை என்பது கீழே உள்ள தேதிப் பட்டியலிலும் பண்டிகைப் பக்கத்திலும் உள்ளது; நாடு வாரியான அட்டவணையும் அங்கே உண்டு. விஷு, வைசாகி, அஸ்ஸாமின் போஹாக் பிஹு, ஒடிசாவின் பனா சங்கராந்தி ஆகியவையும் இதே சூரிய நகர்வை வைத்து வரும் பண்டிகைகளே.

தமிழ் புத்தாண்டு 2027 தேதி → · ஒவ்வொரு நாட்டிலும் தேதி → · தமிழ் காலண்டர் ஏப்ரல் 2027 →

அடுத்த தமிழ் புத்தாண்டு தேதிகள்

அடுத்த சில ஆண்டுகளுக்கான இந்தப் பட்டியல் தானாகக் கணக்கிடப்பட்டது. ஒவ்வொரு தேதியும் சூரியன் மேஷத்துக்குள் நுழையும் நாளை வைத்து அமைந்தது.

• ஏப். · Apr14புதன் · Wed தமிழ் வருடப்பிறப்பு14 ஏப்., புதன்
• ஏப். · Apr14வெள்ளி · Fri தமிழ் வருடப்பிறப்பு14 ஏப்., வெள்ளி

தமிழ் புத்தாண்டு 2027 நேரம்: வருடப் பிறப்பு எப்போது?

வருடம் பிறக்கும் நேரம் என்பது சூரியன் மேஷ ராசிக்குள் நுழையும் துல்லியமான கணம். அதை மேஷ சங்கிரமணம் என்கிறார்கள். இந்தக் கணம் வானில் ஒரே நேரத்தில் நிகழ்கிறது; ஆனால் உள்ளூர்க் கடிகாரத்தில் ஊருக்கு ஊர் நேரம் மாறுகிறது. இன்னொரு விஷயமும் உண்டு. வாக்கியப் பஞ்சாங்கமும் திருக்கணிதப் பஞ்சாங்கமும் இந்தக் கணத்தைச் சற்று வேறுவிதமாகக் கணக்கிடுகின்றன. அதனால் இரண்டுக்கும் இடையே சில மணி நேர வேறுபாடு இருக்கும். வெவ்வேறு காலண்டர்களில் வெவ்வேறு நேரம் தெரிவதற்குக் காரணம் இதுவே. நம் பண்டிகைப் பக்கம் கணித்த நேரத்தைக் காட்டுகிறது. பல வீடுகளில் இந்த நேரத்தை ஒட்டி, விஷு கனி போலக் கண்ணாடி, பழம், பூ, தங்கம் வைத்துப் பார்க்கும் கனி காணல் நடக்கிறது. புதுப் பஞ்சாங்கப் படனமும் நடக்கிறது.

வாக்கியமா, திருக்கணிதமா? → · இந்தத் தளத்தின் கணிப்பு முறை →

தமிழ் புத்தாண்டு தை அல்லது சித்திரை? ஒரு நீண்ட விவாதம்

இது பல ஆண்டுகளாக நடக்கும் விவாதம். பஞ்சாங்க மரபுப்படி சித்திரை 1 தான் வருடப் பிறப்பு; 60 வருடப் பெயர் மாறுவதும் அன்றுதான். மறுபக்கம், தமிழ் அறிஞர்கள் சிலர் தை 1, அதாவது பொங்கல் நாளையே தமிழ்ப் புத்தாண்டாகக் கொண்டாட வேண்டும் என்கிறார்கள். திருவள்ளுவர் ஆண்டு தை மாதத்தில் தொடங்குகிறது. தமிழ்நாடு அரசு 2008-இல் தை 1-ஐத் தமிழ்ப் புத்தாண்டாக அறிவித்தது. 2011-இல் அந்தச் சட்டம் திரும்பப் பெறப்பட்டு, சித்திரை 1 மீண்டும் அரசு விடுமுறையான தமிழ்ப் புத்தாண்டானது. இன்றும் சில குடும்பங்களும் அமைப்புகளும் தை 1-ஐயே புத்தாண்டாகக் கொண்டாடுகின்றன. நம்ம காலண்டர் பஞ்சாங்க மரபைப் பின்பற்றி சித்திரை 1-ஐ வருடப் பிறப்பாகக் காட்டுகிறது; பொங்கல் தனிப் பண்டிகையாக உள்ளது. எதைக் கொண்டாடுவது என்பது உங்கள் குடும்பத்தின் விருப்பம்.

பொங்கல் தேதி → · தமிழ்ப் புத்தாண்டு →

Sinhala Tamil New Year 2027: இலங்கையில் புத்தாண்டு

இலங்கையில் தமிழர்களும் சிங்களவர்களும் ஒரே சூரிய நகர்வை வைத்துப் புத்தாண்டு கொண்டாடுகிறார்கள். அதனால்தான் "சிங்களத் தமிழ்ப் புத்தாண்டு" என்று சேர்த்துச் சொல்கிறார்கள். பெரும்பாலும் தமிழ்நாட்டின் அதே நாள்தான். ஆனால் இலங்கையில் ஒரு தனி வழக்கம் உண்டு. பழைய வருடம் முடிந்து புது வருடம் தொடங்குவதற்கு இடையே ஒரு "புண்ணிய காலம்" உண்டு. அடுப்பு மூட்டுவது, முதல் உணவு, வேலை தொடங்குவது எல்லாவற்றுக்கும் தனித்தனி சுப நேரங்கள் உள்ளன. அந்த நேரங்களை இலங்கையில் அதிகாரபூர்வமாக அறிவிக்கிறார்கள்; அதை அந்த அறிவிப்பிலேயே பாருங்கள். யாழ்ப்பாணம், கொழும்பு நாள் பஞ்சாங்கத்தை நம் ஊர்ப் பக்கங்களில் பார்க்கலாம். யாழ்ப்பாணத்தில் மருத்து நீர் வைத்துக் குளிப்பதும் கைவிசேஷம் கொடுப்பதும் இந்த நாளின் முக்கிய வழக்கங்கள்.

யாழ்ப்பாணம் பஞ்சாங்கம் → · கொழும்பு பஞ்சாங்கம் → · இலங்கையில் தைப்பொங்கல், புத்தாண்டு →

சிங்கப்பூர், மலேசியாவில் தமிழ் புத்தாண்டு 2027

சிங்கப்பூர், மலேசியாவில் தமிழ்ப் புத்தாண்டு அரசு விடுமுறை அல்ல. ஆனால் கோயில்களில் சிறப்பு வழிபாடும், வீடுகளில் மாங்காய்ப் பச்சடி, வடை, பாயசத்தோடு விருந்தும் உண்டு. இந்த இரண்டு நாடுகளிலும் சித்திரை 1 பெரும்பாலும் இந்தியாவின் அதே நாள்தான். ஆனால் சூரியன் நுழையும் கணம் உள்ளூர் நேரத்தில் மாலைக்குப் பின் சென்றால், ஒரு நாள் தள்ளிப்போகலாம். அதனால் பண்டிகைப் பக்கத்தில் உள்ள நாடு வாரியான அட்டவணையைப் பாருங்கள். அன்று கோயிலுக்குச் செல்லும் முன் உங்கள் ஊரின் ராகு காலத்தையும் பாருங்கள்.

சிங்கப்பூர் ராகு காலம் → · கோலாலம்பூர் ராகு காலம் → · சிங்கப்பூரில் பொங்கல், புத்தாண்டு →

லண்டன், டொராண்டோவில் தமிழ் புத்தாண்டு ஒரு நாள் மாறுவது ஏன்?

சூரியன் மேஷ ராசிக்குள் நுழையும் கணம் உலகம் முழுவதற்கும் ஒரே கணம்தான். ஆனால் அந்தக் கணம் சென்னையில் இரவு என்றால், லண்டனில் மாலை, டொராண்டோவில் மதியம், சிட்னியில் மறுநாள் அதிகாலை. உள்ளூர்க் கடிகாரத்தில் வெவ்வேறு நேரம். பஞ்சாங்க விதிப்படி, அந்தக் கணம் உள்ளூரில் எந்த நேரத்தில் விழுகிறது என்பதை வைத்தே சித்திரை 1 எந்த நாள் என்பது முடிவாகிறது. அதனால் சில ஆண்டுகளில் இந்தியாவில் ஒரு நாளும், வட அமெரிக்கா, பிரிட்டனில் அதற்கு முந்தைய நாளும் வரலாம். ஆஸ்திரேலியாவில் மறுநாள் வரவும் வாய்ப்பு உண்டு. பல குடும்பங்கள் பழக்கத்துக்காக இந்தியத் தேதியையே வைத்துக் கொண்டாடுகின்றன; அது குடும்ப விருப்பம். உள்ளூர்க் கோயில் எந்த நாள் கொண்டாடுகிறது என்பதையும் கேட்டுக்கொள்ளுங்கள். நம் பண்டிகைப் பக்கத்தில் ஒவ்வொரு நாட்டுக்குமான நாள் தனியாக உள்ளது.

நாடு வாரியாக தமிழ் புத்தாண்டு 2027 → · பிரிட்டன் தமிழ் காலண்டர் → · கனடா தமிழ் காலண்டர் →

தமிழ் புத்தாண்டு எப்படிக் கொண்டாடுவது? செய்ய வேண்டியவை

முந்தைய நாள் வீட்டைச் சுத்தம் செய்து, வாசலில் பெரிய கோலமிடுகிறார்கள். அன்று அதிகாலைக் குளியல், புத்தாடை. பல வீடுகளில் முந்தைய இரவே பூஜை அறையில் கண்ணாடி, பழங்கள், பூ, தங்கம், நாணயம் வைக்கிறார்கள். காலையில் எழுந்ததும் முதலில் அதைப் பார்ப்பதே கனி காணல். மதியச் சமையலில் மாங்காய், வேப்பம்பூ, வெல்லம், புளி சேர்த்த பச்சடி முக்கியம். இனிப்பும் புளிப்பும் கசப்பும் கலந்த வாழ்க்கையை ஏற்றுக்கொள்வதே அதன் பொருள் என்று பெரியவர்கள் சொல்வார்கள். கோயில்களில் பஞ்சாங்கப் படனம், அதாவது புது வருடப் பஞ்சாங்கத்தை வாசித்து விளக்குவது நடக்கிறது. பெரியவர்களின் காலைத் தொட்டு ஆசீர்வாதம் பெறுவதும், சிறியவர்களுக்குக் கைவிசேஷம் கொடுப்பதும் வழக்கம். செய்ய வேண்டியவை சுருக்கமாக இதோ. பிலவங்க வருடம் எல்லோருக்கும் நலமும் நிறைவும் தரட்டும்.

• முந்தின நாள் வீடு சுத்தம், கோலம்
• கனி காணல்: கண்ணாடி, பழம், பூ, தங்கம்
• அதிகாலைக் குளியல், புது ஆடை
• மாங்காய் வேப்பம்பூ பச்சடி
• கோயில் தரிசனம், பஞ்சாங்கப் படனம்
• பெரியவர்களிடம் ஆசீர்வாதம்

புது வருஷ பஞ்சாங்கம் கைபேசியில் →

In English: the short version

The Tamil year that begins on Chithirai 1 in 2027 is Plavanga (Pilavanga), the 41st name in the 60-year cycle; it follows Parabhava (2026-27) and is followed by Keelaka (2028-29). The Tamil year changes only at Chithirai 1, so January to mid April 2027 is still Parabhava. Chithirai 1 is the day the Sun enters Mesha (Aries), which falls in mid April, usually on or around 14 April; the exact date and the moment of the year's birth are on the festival page, which also lists the date in each country, since a late-evening entry can push the local day forward abroad. Vakya and Thirukanitha almanacs time the moment a few hours apart. The Thai or Chithirai question: almanac tradition and the Tamil Nadu government holiday (since 2011) keep Chithirai 1, while some Tamils mark Thai 1, the Pongal day, as the new year. In Sri Lanka it is the Sinhala and Tamil New Year, on the same solar entry, with auspicious times announced officially there.